¿Que é o VIH?

O VIH (acrónimo de Virus de Inmunodeficiencia Humana) é o axente infeccioso determinante da Síndrome de Inmunodeficiencia Adquirida (SIDA). Segundo o Comité Internacional de Taxonomía de Virus (ICTV) o VIH inclúese no xénero Lentivirus, encadrado na subfamilia Orthoretrovirinae da familia Retroviridae. Pode ser detectado pola proba de VIH.

Foi descuberto e identificado como o axente da naciente epidemia de SIDA polo equipo de Luc Montagnier en Francia en 1983. O virión é esférico, dotado dunha envoltura e cunha cápside proteica.Caracterízase polo seu pequeno tamaño e por posuir unicamente ARN no seu material xenético,que debe copiarse provisionalmente a ADN para poder multiplicarse e integrarse no genoma da célula que infecta. Os antígenos proteicos da envoltura exterior axústanse de forma específica con proteínas da membrana das células infectables, especialmente dos linfocitos T4.